БҰҰ Балалар Қоры (ЮНИСЕФ) әлемнің 190 елінде және аумақтарында жұмыс істейді. ЮНИСЕФ-ке балалардың өмірін сақтап қалу, олардың құқықтарын қорғау, олардың қабілеттерін дамыту және әр баланың әл-ауқатын арттыруға ықпал ету мандаты берілген.
Балаларды тең мүмкіндіктермен қамтамасыз ету – ЮНИСЕФ-тің Қазақстандағы және бүкіл әлемдегі аса маңызды міндеттерінің бірі.
Әрбір бала ата-ана қамқорлығына, қауіпсіздікке және оның денсаулығы мен дамуына мұқият қарауына толы бақытты балалық шаққа құқылы. ЮНИСЕФ әртүрлі себептерге байланысты басқалармен бірге өсу және даму мүмкіндігінен айырылған балалардың құқықтары үшін күреседі.
ЮНИСЕФ 1946 жылы Екінші дүниежүзілік соғыс кезінде зардап шеккен балаларға көмектесу үшін БҰҰ-ның Халықаралық төтенше балалар қоры ретінде құрылды. Қор уақытша жұмыс істеуі керек еді, бірақ ұйымның қажеттілігі төмендеген жоқ және құрылғаннан кейін 10 жылдан аз уақыт өткен соң ЮНИСЕФ-тің міндеттері кеңейтіліп, атауы БҰҰ Балалар қоры болып өзгертілді.
Бүкіл әлем бойынша серіктестердің күш-жігерін біріктіре отырып, ЮНИСЕФ оларды аса ұрымтал балалар мен қиын өмірлік жағдайларға тап болған отбасыларды қолдауға бағыттайды.
